Bakı və Kiyev minatəmizləmə sahəsində əməkdaşlığı genişləndirir

Ukraynanın Azərbaycandakı səfiri Yuriy Qusev ANAMA-nın İdarə Heyətinin sədri Vüqar Süleymanovla görüş keçirib. Bu barədə səfir özünün “Facebook” hesabında məlumat verib.

Görüşdə Azərbaycan və Ukrayna arasında humanitar minatəmizləmə sahəsində əməkdaşlığın əsas istiqamətləri müzakirə olunub. Səfir Ukraynaya göstərilən dəstəyə görə Bakıya təşəkkürünü bildirib.

Qusev bildirib ki, Azərbaycan tərəfindən Ukraynaya bir neçə il əvvəl təqdim edilmiş Revival-P minatəmizləmə maşını uğurla istifadə olunur və bu il əlavə ehtiyat hissələri də verilib.

Tərəflər əməkdaşlığın praktiki müstəvidə daha da genişləndirilməsi və təcrübə mübadiləsi aparılması barədə razılığa gəliblər.