Türkiyədə PKK terrorçuları ilə təhlükəsizlik qüvvələri arasında baş vermiş atışmada 1 əsgər həlak olub.

"Report"un məlumatına görə, bu barədə "İhkas" xəbər agentliyi məlumat yayıb.

Xəbərdə bildirilir ki, hadisə Hatayda baş verib. Belə ki, PKK terrorçuları ilə təhlükəsizlik qüvvələri arasında atışma olub. Silahlı insident zamanı 1 əsgər yaralanıb. O, İskəndərun Dövlət Xəstəxanasına yerləşdirilib. Lakin həkimlər yaralının həyatını xilas edə bilməyib.

Bölgədə terrorçuların yaxalanması üçün geniş miqyaslı əməliyyat başlayıb.