AŞPA-nın payız sessiyasının gündəliyi açıqlandı

SalamNews AŞPA-nın rəsmi saytına istinadən xəbər verir ki, sessiyada müzakirə olunacaq əsas məsələlərdən biri Avropada miqrant böhranı, onun siyasi və humanitar tərəfləri, tranzit ölkələr üçün çağırışlar olacaq.

Bundan başqa, sessiyada AŞPA Bürosu və Daimi Komitəsinin, eləcə də monitorinq prosesinin hesabatları açıqlanacaq, İnsan Hüquqları üzrə Avropa Məhkəməsinin qərarlarının icra vəziyyəti müzakirə olunacaq, AŞPA-nın növbəti beş il müddətinə yeni baş katibi seçiləcək.

Payız sessiyasında Lüksemburqun böyük hersoqu, Serbiyanın baş naziri Aleksandr Vuçiç, Avropa Şurası Nazirlər Komitəsinə sədrlik edən Bosniya və Herseqovinanın xarici işlər naziri Denis Zvizdiç çıxış edəcəklər.