Merkel, Olland və Kemeron Tehranı İsraili tanımağa çağırdı

Almaniya Federativ Respubikasının kansleri Angela Merkel, Fransa prezidenti Fransua Olland və Böyük Britaniyanın baş naziri Devid Kemeronun birgə yazdıqları və "The Washington Post”da dərc edilmiş məqalədə İran hakimiyyətini İsrail dövlətini tanımağa çağırıblar.  

"Bu mühüm məqamdır. Dünyada mövcud qeyri-müəyyənlik şəraitində, diplomatik vasitələrlərin nəyi əldə edə biləcəyini nümayiş etdirmək imkanı yaranıb”, - onlar bəyan ediblər.

Oxu.Az "Qazeta”ya istinadən xəbər verir ki, Avropa dövlətlərinin liderlərinin fikrincə İranın İsraili tanıması üçün imkan İran nüvə proqramı üzrə sazişin bağlanması ilə yaranıb. Belə ki, Tehranın İsraili tanımamasını onlar "yolverilməz” kimi xarakterizə edirlər.  

Daha öncə İsrailin baş naziri Netenyahu İrandan gələcək təhlükəni İŞİD-dən gələcək təhlükədən daha ciddi adlandırmışdı.
www.ann.az