Suriyalı qaçqınlar İstanbulda sənət mərkəzi açıblar

Suriyadakı müharibədən hələ üç il əvvəl Türkiyəyə qaçan bir qrup suriyalı sənətkar müharibədən və siyasi çəkişmələrdən uzaqda demokratik bir sənət mərkəzi açıblar. Bu, İstanbulun Kadıköy ərazisində açdıqları "Arthere” sənət mərkəzidir.

Mərkəzin emalatxanası, sərgi, nümayiş salonu  və kafesi var. Türkiyədəki suriyalı sənətkarlar pul qazanmaq üçün bu kafedə işləyə bilərlər, nümayiş zalında öz əsərlərinə göstərə və sata bilərlər.

Burada həm rəsm, foto, həm teatr, həm də musiqi nümayişləri olur. Mərkəz sənətkarların bir-birlərinə dəstək olması üçün açılıb.

Türkiyədə bunu suriyalı qaçqınlara münasibətdə önyarğılara qarşı addım, İstanbulun multikural səhnəsinin daha da zənginləşməsi kimi qiymətləndirirlər.

Omar Berakdar, Öykü Doğan və Zolfaqar Shaarani bu mərkəzin təşəbbüskarlarıdır. /Azadliq.org