Bir suala cavab verən 20 milyon dollar mükafat alacaq - MÜSABİQƏ

ANN.Az xəbər verir ki, "XPrize" Fondunun təsis etdiyi mükafat qalıq yanacaqlarının (mineral yanacaqlar) istifadəsi ilə bağlıdır. Fondun internet saytında yerləşdirilən xəbərdə deyilir ki, "Fosil yanacaqlrının (qalıq, yaxud mineral yanacaqlarının -red.)  istifadəsi zamanı karbon dioksid dərəcəsi necə azaldılır" - sualına cavab vermək lazımdır.

Cavabı tapmaq istəyənlərə 4 il 6 ay müddət verilib və müsabiqəyə qatılmaq istəyənlərdən karbon dioksid dərəcəsini azaldaraq istifadəsi asan və geniş məhsullar istehsal edəcək texnologiyaların yaradılması tələb olunur.

Fond daha əvvəl də "Google"nin maliyyələşdirdiyi və 30 milyon dollar mükafat təsis etdiyi "Aya ən asan necə getmək olar?" - müsabiqəsinin təşkilatçısı olmuşdu.