Rusiyanın raketləri "İrana düşüb"

Xəzər Dənizindən Suriyaya buraxılan 4 qanadlı raket İrana düşüb, adları açıqlanmayan ABŞ rəsmiləri deyir.

Raketlərin zərər vurub vurmaması barədə məlumat yoxdur, rəsmilər bildirir.

Çərşənbə günü Rusiya deyib ki, Suriyanın şimal və şimal-qərbindəki hədəflərə 26 qanadlı raket buraxıb. Rəsmi Moskva təkrarən deyib ki, raketlərin hamısı hədəfləri məhv edib.

Bu xəbərdən öncə NATO Suriya münaqişəsində Rusiyanın hərbi iştirakı ilə bağlı üzvlərinə hərbi dəstək barədə vədlərini təkrarlayıb.

Rusiya təyyarələrinin Türkiyə hava məkanına müdaxiləsi ilə bağlı Rusiyanın Ankaradakı səfiri 3 dəfə Türkiyə Xarici İşlər Nazirliyinə çağrılıb.

Cümə axşamı NATO böhranlı vəziyyətlə bağlı çevik qüvvələrin sayını artırılacağını bildirib.

Mövzu ilə bağlı hadisələr:

    Rusiyanın Müdafiə Nazirliyi bildirib ki, cümə axşamı həyata keçirilən hava zərbələri vaxtı 27 hədəf məhv edilib. Rusiya hədəflərin İslam Dövləti qruplaşmasına aid olduğunu bildirir.
    ABŞ dövlət katibi John Kerry Rusiya xarici işlər naziri Sergey Lavrovla telefon söhbətində Suriyada qəzalardan yayınmaq üçün texniki məsələlər üzrə danışıqları davam etdirmək lazımdır.
    Ukrayna Prezident Petro Poroşenko bildirib ki, "Rusiya Suriyadan tutmuş İranadək qeyri sabitlik zolağı yaratmaq istəyior"

ABŞ rəsmiləri raketlərin konkret harada düşdüyü barədə əlavə məlumat verməyib.

Çərşənbə günü İranın İrna xəbər agentliyi məlumat vermişdi ki, Qərbi Azərbaycan vilayətindəki Ghozghapan kəndinə uçan naməlum obyekt düşmüşdü. Həmin kənd, raketlərin təxmini trayektoriyasındadır.

Amma mühafizəkar İran mediası raketlərin İrana düşməsi barədə məlumatları "ABŞ-ın Moskvaya qarşı psixoloji əməliyyatlar" adlandırıb.//bbc.com/azeri/
www.ann.az