Putin Xəzərin qorunması ilə bağlı sazişi ratifikasiya etdi

Rusiya prezidenti Vladimir Putin Xəzər dənizinin bioloji resurslarının qorunması və rasional istifadəsi barədə razılaşmanı ratifikasiya etmək haqqında federal qanun imzalayıb.

 

APA-nın məlumatına görə, sənədin mətni hüquqi informasiya portalının rəsmi internet səhifəsində yerləşdirilib. Sənədə əsasən, Xəzər dənizinin su resursları ilə bağlı hökumətlərarası komissiya birgə su resurslarının qorunması, təkrar istehsalı və rasional istifadəsini koordinasiya edəcək. Bundan başqa, komissiya illik olaraq ölkələrin su resurslarını ovlaması üçün kvotalar və meyarları müəyyənləşdirəcək.

 

Sənəd 2014-cü ilin sentyabrında Azərbaycan, İran, Rusiya, Qazaxıstan və Türkmənistan tərəfindən Həştərxan görüşündə imzalanıb.