Rüşvət almaqda ittiham olunan nazir istefa verdi

Yaponiyanın maliyyə naziri Akira Amari rüşvət qalmaqalı fonunda postundan istefa verib.

Modern.az xarici KİV-ə isitnadən xəbər verir ki, Amari və ona yaxın bir qrup nazirlik əməkdaşı tikini şirkətindən 12 milyon iena (100 min dollar)  rüşvət almaqda təqsirləndirilirdi.

Jurnalistlərin qarşısına çıxan Akira Amari həmin pulların siyasi fəaliyyət üçün ianə kimi verildiyini, lakin gəlir bəyannaməsində qeyd etməyi unutduğunu deyib.

Nazir baş verən qalmaqala görə məsuliyyəti öz üzərinə götürdüyünü deyib.

Amari 2012-ci ildən maliyyə naziri səlahiyyətlərini icra edirdi.