Şimali Koreya cənub qonşusunun sularına girdi

Fevralın 8-də səhər tezdən Şimali Koreyanın keşikçi qayığı Cənubun ərazi sularına girib və donanmanın xəbərdarlıq atəşindən sonra geri çəkilib.

Bir gün öncə Pxenyanın uzaqmənzilli raket atması Koreya yarımadasında gərginliyi artırıb. Pxenyan orbitə kommunikasiya peyki çıxardığını deyir.

Cənubi Koreya, Yaponiya və Birləşmiş Ştatlar raket sınağının BMT Təhlükəsizlik Şurasının qətnamələrini pozduğunu bildirir.

Fevralın 7-də Təhlükəsizlik Şurası fövqəladə iclas keçirib, raket buraxılmasını kəskin pisləyib, yeni sanksiyalarla bağlı qətnamə qəbul edəcəyini bildirib. /Azadliq.org