"Müsəlmanlar ABŞ üçün böyük təhlükədir"

Müsəlmanlar ABŞ-ın təhlükəsizliyi üçün ciddi problem kəsb edirlər və buna görə də, onların ölkə ərazisinə buraxılması məhdudlaşdırılmalıdır.

Oxu.Az TASS-a istinadən xəbər verir ki, belə bir bəyanatla çərşənbə axşamı Viskonsin ştatında seçiciləri ilə görüşdə ABŞ prezidentliyinə namizəd, milyarder Donald Tramp bildirib.

"Minlərlə müsəlman bizim ölkəmizə gəlirlər, biz isə onların kim olduğunu bilmirik”, - deyə, milyarder iddia edib.

"Bu, təhlükəsizliyimiz üçün böyük problemdir”, - deyə, o, əlavə edib və müvəqqəti olaraq sərhədlərin müsəlmanların üzünə bağlanılmasını təklif edib.

O həmçinin qeyd edib ki, amerikalılar "ayıq-sayıq olmalıdırlar” və növbəti dəfə məscidlər, müsəlman icmalarına nəzarəti gücləndirməyə çağırıb.

"Belə yerlərdə radikallaşma baş verir və biz bununla bağlı nə isə etməliyik”, - deyə, Tramp bildirib.

O, müsəlmanların törətdikləri cinayətlərdən söhbət gedərkən "siyasi düzgünlük normalarını kənara qoymağın” zəruriliyini qeyd edib.

Ümumiyyətlə, müsəlmanlara etibar edib-etməməsi barədə sualı isə Tramp belə cavablandırıb: "Güman edirəm ki, bəzilərinə bəli, etibar edirəm, bəzilərinə isə yox”.
www.ann.az