Facebook-da uşağı aldadıb oğurladılar

Milli.Az Milliyet-ə istinadən bildirir ki, İstanbulda sosial şəbəkədə 16 yaşlı bir yeniyetməni iş vədi ilə görüşə çağırıb oğurlayıblar.

Polislərin istintaq əməliyyatı nəticəsində yeniyetməni 12 gün müddətinə əsir tutan 2 şəxs, nəhayət, ələ keçib.

Əməliyyat zamanı oğurlanan İraq əsilli uşaq A.M.S.A., əlləri və ayaqları bağlı şəkildə divanın içərisində aşkar edilərək xilas edilib. O da məlum olub ki, cinayətkarlar uşağı yalnız 300 min lirə qarşılığında sərbəst buraxmaq fikrində olublar.