Suriyada 18 İŞİD-çi zərərsizləşdirildi

ANN.Az "Anadolu” agentliyinə istinadən xəbər verir ki, bu barədə Türkiyə Silahlı Qüvvələrindən məlumat verilib.

Bildirilib ki, Fərat Qalxanı hərəkatı çərçivəsində İŞİD-ə məxsus 150 hədəf məhv edilib. Terrorçuların sığınacaq və silah anbarı kimi istifadə etdiyi 4 məntəqə də məhv edilib. Əməliyyatlar zamanı 18 İŞİD-çi zərərsizləşdirilib, 37 terrorçu isə yaralı olaraq ələ keçirilib. İŞİD-çilərdən xüsusi partlayıcı qurğular və kustar üsulla hazırlanmış 25 ədəd əl bombası və partlayıcı aşkarlanıb. 

Qeyd edək ki, Türkiyə Silahlı Qüvvələrinin də dəstək verdiyi və Suriya ərazilərinin İŞİD başda olmaqla, digər terrorçu qruplaşmalardan təmizlənməsi istiqamətində 2016-cı ilin 24 avqustundan etibarən Fərat Qalxanı adlı hərbi əməliyyatlar keçirilir.