Britaniyanı "iqlim bombası" vurdu: 3 ölü - FOTOLAR

ANN.Az The Guardian-a istinadən bildirir ki, bu gün Britaniyanın bir sıra bölgələrində daşqınlar gözlənilir. Bundan başqa, Şotlandiyanın bəzi bölgələrinə 15 sm qalınlığında qar yağacağı da istisna deyil.

"Doris" qasırğası səbəbindən Londondakı Hitrou hava limanında 83 aivareys təxirə salınıb.

Britaniyanın əksər şəhərlərində, habelə iri avtobanlarında böyük tıxaclar yaranıb. İngiltərə və İrlandiya arasında bütün uçuşlar dayandırılıb. Dəmiryol marşrutlarının əksəriyyətində qatarların hərəkət intensivliyi aşağı salınıb.

Britaniyalı sinoptiklər "Doris" qasırğasını "iqlim bombası" adlandırıblar.

Qasırğa nəticəsində Şimali İrlandiyadakı məşhur "Dark Heces" xiyabanındakı ağacların bir neçəsi qırılaraq aşıb. "Game of Thrones" serialının bəzi səhnələri bu xiyabanda çəkilmişdi.

İngiltərənin Uest-Midlends qraflığındakı Vulverhempton şəhərində "Starbucks" kafesinin yaxınlığında güclü küləyin havaya qaldırdığı zibilqabı qadına dəyib. Qadın aldığı zərbədən yerindəcə keçinib.