“YouTube” şəxsi onlayn TV xidmətini işə salacaq

ANN.Az RİA Novosti-yə istinadən xəbər verir ki, bu barədə şirkətin icraçı direktoru Syuzan Voyjitskiyə istinadən "Reuters” agentliyi məlumat yayıb. 

Voyjitskinin sözlərinə görə, yeni xidmət "YouTube” TV adlanacaq və altı hesab üçün ayda 35 dollara olacaq. Bundan başqa, ABŞ-ın əsas dörd kanalından başqa kabel kanallara da çıxış olacaq.   

"YouTube” internet-hostinq 2015-ci ildə "Alphabet” holdinqinə daxil olan "Google” korporasiyasına məxsusdur. Şirkət "Google Life Sciences”, "Calico”, "Sidewalk Labs”, "Nest”, "Google Ventures”, "Google Capital” və "Google X”-ə nəzarət etməyə başlayıb. "Google”un təsisçiləri Larri Peyc və Sergey Brin müvafiq olaraq "Alphabet” holdinqində baş direktor və prezident vəzifələrini tutublar.