AŞPA-nın yeni sədri kimdir? – DOSYE
22.01.2018 19:13
İtaliyalı deputat, Sosialitlər namizədi Mikele Nikoletti bu gün Avropa Şurası Parlament Assambleyasının sədri seçilib. Modern.az onun həyat yolu ilə bağlı qısa informasiyanı təqdim edir.
Mikele Nikoletti 1956-cı il noyabrın 19-da İtaliyanın şimalında yerləşən Trento şəhərində doğulub. Boliniya Universitetində fəlsəfə təhsili alan Nikoletti 2011-ci ildən doğma Trento şəhərində beynəlxalq araşdırmalar məktəbində siyasi fəlsəfə üzrə professor vəzifəsində çalışıb. 2011-ci ildə isə o, Antonio Roveretto adına araşdırmalar mərkəzinin direktoru seçilib.
O 2013-cü il fevralın 25-də keçirilən parlament seçkilərində deputat mandatı qazanır. 2014-cü il avqustun 6-da isə Avropa Şurası Parlament Assambleyasında İtaliya nümayəndə heyətinin rəhbəri seçilir. AŞPA-da fəaliyyəti müddətində o, Xarici Əlaqələr, Etika və s. alt komitələrdə çalışıb. Bundan başqa, italiyalı deputat 2016-2017-ci illərdə Assambleyanın korrupsiya məsələləri üzrə həmməruzəçisi olub.
Mikele Nikoletti Roma və doğma Trento şəhərində yaşayır. O, evli və 3 uşaq atasıdır.
61 yaşlı deputat AŞPA-da sosialistlər alyansının üzvü kimi tanınır. Eyni zamanda Nikolettinin reputasiyası onu prinsipial və təcrübəli siyasətçi kimi təqdim edir.
www.anews.az
Facebook
Bizi Facebookda izləyin
Oxşar xəbərlər
Oxşar xəbərlər
Foto
Video
