Bu ölkə Belarusdakı seçkilərin nəticələrini tanımadı

İngiltərə hökuməti Belarusda keçirilən prezident seçkilərinin nəticələrini tanımaqdan imtina edib.

Anews.az xəbər verir ki, bu barədə İngiltərənin Xarici İşlər naziri Dominik Raab öz "Twitter” hesabında açıqlama verib.

Nazir Belarusdakı seçkilərin saxtalaşdırıldığını bildirib və Avropa Təhlükəsizlik və Əməkdaşlıq Təşkilatının (ATƏT) vasitəçiliyi ilə seçkilərdən sonra baş verən çoxsaylı qanun pozuntuları və repressiyaların araşdırılmasını tələb edib.

Bundan əlavə D.Raab bildirib ki, İngiltərə və onun beynəlxalq tərəfdaşları Belarusda etirazçılara qarşı törədilən zorakılıqlara görə məsuliyyət daşıyan şəxslərə qarşı sanksiya tətbiq etməyə hazırdır.