Erməni ekspert ölkəsinin uğursuzluqlarını sadalayıb

"Ermənistan İkinci Qarabağ müharibəsində 5 minə yaxın canlı qüvvə itirib, 10 minə yaxını yaralanıb, təxminən 2 min nəfər itkin, 300 nəfər əsir düşüb”.

"Report” "Novosti Armeniya”ya istinadən xəbər verir ki, bunu Ermənistan Strateji Araşdıma Mərkəzinin direktoru Tiqran Arutyunyan baş nazir Nikol Paşinyanın 2,5 illik hakimiyyəti ilə bağlı feysbuk səhifəsində bildirib.

O, Ermənistanın uğursuzluqları ilə bağlı 11 fakt açıqlayıb.

Ermənilər hələ də iddia edirlər ki, Qarabağ və 30 ilə yaxın işğal altında saxladıqları torpaqlar onlara məxsusdur. Mərkəz direktoru hesabatda Ermənistanın ərazisinin 42 min kv km-dən 25 min kv km-dək azaldığını və Azərbaycanla sərhədin uzunluğunun 500 km-dək artdığını qeyd edib. Təəssüf ki, bəzi dövlətlər də ermənilərin bu avantürasına uyaraq Azərbaycanın işğaldan azad etdiyi ərazilərini ermənilərin öz evlərini tərk etməsi kimi qələmə verirlər. Bu müharibədə ermənilər Azərbaycan torpaqlarından çıxarılıb.

Ekspert bildirib ki, ötən 2,5 ildə Ermənistan iqtisadiyyatına sərmayə qoyuluşu "0”, xarici borc 8 mlrd ABŞ dollar, adambaşına düşən ümumidaxili məhsulun həcmi 7,5 faiz olub: "İri qızıl yatağı, enerji ehtiyatların 15 faizi, kənd təsərrüfatına yararlı torpaqların 10 faizi itirilib”.

T.Arutyuyan bildirib ki, Ermənistanda pandemiyaya qarşı mübarizə iflasa uğrayıb: "Koronavirusdan 3 min nəfər ölüb. Bu dünya üzrə ən pis götəricidir”.

O, təhsil sistemində də kollaps olduğunu vurğulayıb. Müəllif Sünik (Zəngəzur) vilayətindən 40 minə yaxın qaçqın olacağını bildirib.

T.Arutyuyan Ermənistan cəmiyyətinin parçalandığını və psixoloji cəhətdən sındığını qeyd edib.

O yazıb ki, Polis və Milli Təhlükəsizlik Xidmətinin yenidən qurulmasına baxmayaraq öz səlahiyyətlərinin icra edə bilmir.

Baş verən uğursuzluqlarında Azərbaycanı da ermənisayaq ittiham edən ekspert yazıb: "Ermənistanın beynəlxalq arenada subyektivliyin itirməsi, beynəlxalq münasibətlərin siyasi xəritəsindən silinməsi, yaxşı və sadəcə neytral əlaqələri olan müttəfiq ölkələri itirməsi”.