Ərdoğan BMT-ə müraciət edib

"Türkiyə Kiprə sülh və demokratiya gətirdi. Kipr türkləri gələcəyə daha böyük ümidlə baxırlar.  Birləşmiş Millətlər Təşkilatına tarixi çağırışımı təkrar edirəm: adanın reallıqlarından üz döndərməyin və ən qısa zamanda ŞKTC-ni tanıyın. Kipr türklərinin suveren bərabərliyi və bərabər beynəlxalq statusu tanınmayana qədər yeni danışıqlar prosesindən söhbət gedə bilməz”,  -  Ərdoan bildirib. 

 

 Şimali Kipr Türk Respublikası Kipr adasının şimalında yerləşən de-fakto dövlətdir. Şimali Kipr Türk Respublikası beynəlxalq aləmdə yalnız Türkiyə tərəfindən tanınır. Digər dövlətlər isə onu Kipr Respublikasının bir hissəsi olaraq qəbul edir. Şimali Kipr şimal-şərqdə Karpaz yarımadasından Gözəlyurd körfəzinə, qərbdə Qoruçam burnundan Ərənköyə (anklav) qədər uzanır. 

 

Paytaxtı və ən böyük şəhəri Şimali Nikosiyadər. Tanınmayan  ŞKTR-in ümumi sahəsi 3,355 kvadrat kilometr, əhalisi isə  300 min nəfərdən çoxdur. ŞKTR Kipr adasının 36,4%-ni tutur.

Kipr adasında ilk insan məskunlaşmasının e.ə 10.000-ci illərdə başladığı təxmin edilir. 

 

Hal-hazırda Şimali Kiprdə Türkiyə Silahlı Qüvvələrinə məxsus əsgərlərinin yerləşdirilməsi bu münaqişə həlli yolunu daha da ləngidir. Mövcudluğu Şimali Kipr hökuməti tərəfindən dəstəklənsə də, Kipr Respublikası da daxil olmaqla bütövlükdə Avropa Birliyi və beynəlxalq ictimaiyyət tərəfindən işğal olaraq qiymətləndirilir və Birləşmiş Millətlər Təşkilatının Təhlükəsizlik Şurasının bir neçə qətnaməsində bu işğalçılıq pislənilir.

 

Şimali Kipr beynəlxalq cəmiyyət tərəfindən rəsmən tanınmadığı üçün iqtisadiyyat, nəqliyyat və idman kimi bir çox aparıcı sahələrdə embarqolar tətbiq olunur.

Şimali Kipr, müxtəlif sivilizasiyaları özündə cəmləşdirən mədəni irsə məxsus, xidmət sektorunun üstünlük təşkil etdiyi iqtisadiyyata malik yarı prezident demokratik respublikasıdır.

 

Rəsmi dil türk dilidir, lakin müxtəlif bölgələrdə fərqli yerli ləhcələrdən də istifadə olunur. Əhalinin böyük əksəriyyəti sünni müsəlmanlardan ibarət olsa da  Şimali Kipr dünyəvi dövlət sayılır.

 

Şimali Kipr İqtisadi Əməkdaşlıq Təşkilatı və İslam Əməkdaşlıq Təşkilatının müşahidəçi üzvü, Avropa Şurası Parlament Assambleyasının isə tam hüquqlu üzvlərindən biridir.