“Abraham Lincoln” təyyarədaşıyan gəmisi Yaxın Şərqə gəlib
22.08.2024 10:57
F-35C və F/A-18 Blok III döyüş təyyarələrini daşıyan "Abraham Lincoln” təyyarədaşıyan gəmisi Yaxın Şərq, Mərkəzi Asiya və Şərqi Afrika regionlarına cavabdeh olan ABŞ Mərkəzi Komandanlığının məsuliyyət zonasına gəlib. Bu barədə komandanlığın mətbuat xidməti X sosial şəbəkəsində məlumat yayıb.
Bölgəyə təyyarədaşıyan gəmi ilə yanaşı, esmineslər eskadrilyası, həmçinin aviadaşıyıcı aviasiyanın bir hava qanadı da gəlib. Bundan əlavə, "Teodor Ruzvelt” təyyarədaşıyan gəmisi artıq Yaxın Şərqdədir.
İdarə olunan raketlərlə təchiz edilmiş "Gürcüstan” nüvə sualtı qayığının da bölgəyə gəlməsi gözlənilir. Pentaqonun rəhbəri Lloyd Ostin bu barədə İsrailin müdafiə naziri Yoav Qalantla telefon danışığında bildirib. ABŞ dövlət katibi Antoni Blinkenin sözlərinə görə, 2023-cü ilin oktyabrında Həmas yaraqlılarının İsrailə hücumundan sonra Yaxın Şərqdə gərginliyin qarşısını almaq ABŞ-ın vəzifələrindən birinə çevrilib.
N.Təbrizli
www.anews.az
Twitter
Bizi Twitterdə izləyin
Oxşar xəbərlər
Oxşar xəbərlər
Foto
Video
