Rusiya Prezidenti Vladimir Putinlə ABŞ Prezidenti Co Baydenin G20 sammitində görüşünü müzakirə etmək üçün heç bir əsas yoxdur, belə danışıqlar aparılmayıb.Bu barədə Rusiya liderinin mətbuat katibi Dmitri Peskov bildirib.
"Bu mövzuda hər hansı danışıqlar aparılmayıb və hazırda belə bir görüş üçün heç bir əsas yoxdur, baxmayaraq ki, prezident dəfələrlə bildirib ki, o, bütün təmaslara açıqdır," - Peskov vurğulayıb.
O, ABŞ Prezidenti Baydenin 3 oktyabrda G20 və ya Asiya-Sakit Okean İqtisadi Əməkdaşlıq Təşkilatının (APEC) sammitində Putinlə mümkün görüşdən imtina etməməsi ilə bağlı sözlərini şərh edib. Bununla yanaşı, ABŞ Prezidenti Rusiyanın prezidentinin bu tədbirlərə qatılacağına şübhə etdiyini bildirib.
Peskov əlavə edib ki, sammitə səfər barədə qərar hələ verilməyib.
G20 sammiti 18-19 noyabr tarixlərində Braziliyanın Rio-de-Janeyro şəhərində keçiriləcək. Braziliya təşkilata üzv olan bütün dövlət başçılarına dəvət göndərəcəyinə söz verib.
N.Təbrizli
Foto
Video
