Suriya ordusu qoşunlarını Hələbdən geri çəkib - Yenilənib
30.11.2024 15:33
Suriya ordusu Hələbdən qoşunlarını geri çəkməyi qərara alıb.Bu barədə "Reuters” agentliyi məlumat yayıb.
Məluamata görə, Suriya ordusu müxalifətçilərə qarşı əks-hücum hazırlamaq üçün qoşunların Hələbdən müvəqqəti çıxarıldığını elan edib.
"Biz müvəqqəti olaraq geri çəkilirik, məqsədimiz əks-hücuma başlamaqdır”, - ordu yaydığı bəyanatda qeyd edib.
***
Suriyada müxalif qüvvələr 2016-cı ildən bu yana ilk dəfə ölkənin ikinci ən böyük şəhəri Hələbə daxil olublar.Bu barədə "Associated Press” agentliyi məlumat yayıb.
Agentlik yazıb ki, şəhərin qərb hissəsində hökumət qüvvələri ilə üsyançı qüvvələr arasında qarşıdurma yaşanıb. Sakinlər raket atəşi və atışmalar səbəbindən şəhərin həmin hissəsini tərk etməyə başlayıblar.
"Reuters” isə üsyançıların artıq Hələbin mərkəzinə çatdığını yazıb.
Şəhərin qərb hissəsində tərəflər arasında qarşıdurma noyabrın 27-dən başlayıb. Toqquşma nəticəsində müxalif qruplar 70-ə yaxın yaşayış məntəqəsinə nəzarəti ələ keçirib.
www.anews.az
Foto 
Video 
