Aİ ölkələri ABŞ-a qarşı ticarət tariflərini təsdiqləyib

Avropa İttifaqı ölkələri ABŞ-a qarşı aprelin 15-dən tətbiq olunacaq ticarət tariflərini təsdiqləyib.Bu barədə məlumat Avropa İttifaqı Şurasının saytında dərc edilib.

Qeyd edilib ki, bu gün Aİ-yə üzv ölkələr Avropa Komissiyasının ABŞ-a qarşı ticarət əks-tədbirlərinin tətbiqi təklifinin lehinə səs verib.

"ABŞ ədalətli və balanslaşdırılmış danışıqlar nəticəsi ilə razılaşarsa, bu əks tədbirlər istənilən vaxt dayandırıla bilər", - məlumatda bildirilib.