Dubay şokoladına tələbat püstə qıtlığına səbəb olub

Keçən ilin yayında sosial şəbəkələrdə məşhurlaşan Dubay şokoladı ətrafında yaranan ajiotaj dünyada püstə qıtlığına yol açıb.Bu barədə “Financial Times” nəşri məlumat yayıb.

“Dubay şokoladının populyarlığı püstənin dünya miqyasında qıtlığına səbəb olub və nəticədə bu yaşıl qozun qiymətləri kəskin şəkildə artıb”, – nəşr qeyd edir.

ABŞ əsas püstə ixracatçısı olsa da, ötən il məhsulun az olması nəticəsində ehtiyatlar azalıb. Nəticədə püstə ləpələrinin qiyməti bir funt üçün 7,65 dollardan 10,30 dollara yüksəlib.

Bəzi mağazalar isə yaranmış tələbatı tənzimləmək üçün bir nəfərə satılan şokolad plitələrinin sayına məhdudiyyət tətbiq etmək məcburiyyətində qalıb.