Tramp İstanbulda Rusiya-Ukrayna danışıqlarına qoşula bilər

ABŞ Prezidenti Donald Tramp cümə axşamı İstanbulda keçiriləcək Rusiya-Ukrayna danışıqlarına qoşula bilər.Bu barədə amerikalı lider Ağ Evdə jurnalistlərə bildirib.

Tramp Rusiya və Ukrayna prezidentlərinin birbaşa danışıqlar aparmaq qərarını nikbin adlandırıb və bu görüşün səmərəli olacağına əminliyini ifadə edib.

“Mən təkid etdim ki, Rusiya və Ukrayna arasında görüş İstanbulda baş tutsun və bu görüş olacaq. Cümə axşamı Türkiyədə keçirilən görüşün nəticələrinin yaxşı olacağını düşünürəm. İnanıram ki, hər iki lider orada olacaq. Cümə axşamı harada olacağımı bilmirəm. O qədər görüşlərim olur, amma ora uçmağı düşünürəm”, - deyə Tramp qeyd edib.