İran İsrail üçün ciddi təhdid yaradır—Netanyahu

İran yəhudi dövləti üçün ciddi təhdid yaradır. Bunu İsrailin Baş naziri Benyamin Netanyahu mətbuat konfransında bildirib.

O vurğulayıb ki, İsrailin İran təhlükəsinə qarşı atdığı addımlar Birləşmiş Ştatlarla koordinasiya olunur.

Netanyahu ümid etdiyini bildirib ki, Vaşinqton Tehranın nüvə silahı əldə etməsinin və uranı zənginləşdirməsinin qarşısını alan bir razılaşmaya nail olacaq. “Əgər belə bir razılaşma əldə olunarsa, bunu alqışlayacağıq”, –  o əlavə edib.

Eyni zamanda, baş nazir qeyd edib ki, İsrail özünümüdafiə hüququnu qoruyub saxlayır.

Bundan əvvəl Financial Times yazmışdı ki, sabiq ABŞ prezidenti Donald Tramp Netanyahuya qarşı narazılığını ifadə edib və İsraili İran və Səudiyyə Ərəbistanı ilə gələcək razılaşmaların müzakirələrindən kənarlaşdırıb.

N.Təbrizli