Almaniyada erməni əsilli şəxs Rusiyaya casusluq üstündə saxlanılıb

Almaniya üç nəfəri Rusiya xüsusi xidmət orqanları üçün işləməkdə və qətl hazırlığında ittiham edib. Bu barədə ölkənin Federal Prokurorluğu cümə axşamı bildirib.

İstintaqın məlumatına görə, keçən il iyunun 19-da  Frankfurt şəhərində Ukrayna vətəndaşı Robert A., Ermənistan vətəndaşı Varges İ. və Rusiya vətəndaşı Arman S. həbs olunub. Almaniya qanunlarına əsasən, onların tam soyadları açıqlanmır.

Prokurorluq bildirir ki, casusluq fəaliyyəti 2022-ci ildə başlayan müharibədə Ukrayna Silahlı Qüvvələrinin tərkibində döyüşmüş və hazırda Almaniyada yaşayan Ukrayna vətəndaşına qarşı yönəlib.

2024-cü ilin mayında Varges İ.-nin Rusiya kəşfiyyatından tapşırıq aldığı və iki şəxsə cəlb edildiyi bildirilir. Onlar həmin şəxsin şəxsiyyətini müəyyən etməyə və əlavə məlumat toplamağa çalışıblar, bunun üçün Frankfurtda bir kafedə görüş təşkil etmək istəyiblər.

Ancaq potensial qurban əvvəlcədən polisə müraciət etdiyi üçün görüş baş tutmayıb.

N.Təbrizli