Ukrayna Macarıstanı casusluqda ittiham edir

Ukrayna Prezidenti Volodimir Zelenski Macarıstanı Ukrayna ərazisində hərbi məlumat toplamağa çalışmaqda və ölkənin daxili işlərinə müdaxilə etməkdə ittiham edib. Bu, iki ölkə arasında münasibətləri daha da gərginləşdirib.

Válasz Online portalına müsahibəsində Zelenski bildirib ki, Macarıstanın Milli Təhlükəsizlik Xidməti (KNBSZ) Ukraynanın hava hücumundan müdafiə sistemlərinin yerləşdiyi yerlərlə maraqlanıb və Zakarpatiya əhalisinin mümkün macar sülhməramlılarına münasibətini öyrənməyə çalışıb.

Onun sözlərinə görə, bu fəaliyyətlər NATO ilə razılaşdırılmayıb.

Macarıstanın Baş naziri Viktor Orban isə cavabında Zelenskinin çıxışını tənqid edib və bildirib ki, “macarlar Ukrayna uğrunda ölmək və pullarının Kiyevə xərclənməsini istəmirlər”.

Ukrayna XİN də Macarıstan hökumətini Ukraynanı və Zelenskini “demonizasiya etməkdə” və Rusiyanı atəşkəsə çağırmamaqda ittiham edib.

N.Təbrizli