Netflix şahzadə Harri və Meqan Marklla 100 milyon dollarlıq müqaviləyə son qoyur

Netflix bu payız başa çatan şahzadə Harri və Meqan Marklla 100 milyon dollarlıq məzmun müqaviləsini yeniləməkdən imtina edib. Bu barədə ABŞ mediası xəbər verib.

2020-ci ildən başlayan əməkdaşlıq böyük uğurlar və Hollivud şöhrəti vədləri ilə təqdim olunsa da, reytinqlər gözləntiləri doğrultmayıb. Meqanın şousu Netflix-də yalnız 383-cü yerdə qərarlaşıb, Harrinin polo sənədli filmi isə 3000-ci yerdən aşağı düşüb.

Mənbələrin sözlərinə görə, qərar tərəflərin razılığı ilə verilib.

“Heç bir inciklik yoxdur. Sadəcə artıq maraq qalmayıb”, –  bir mənbə bildirib.

Bu addım, cütlüyün 2023-cü ildə Spotify ilə müqaviləsinin ləğvindən sonra baş verib.

Kaliforniyada lüks malikanədə yaşayan cütlüyün maliyyə vəziyyətinin pisləşdiyi bildirilir.

N.Təbrizli