Astrofizik Starlink peyklərinin kütləvi şəkildə Yerə düşəcəyi barədə xəbərdarlıq edib

Yaxın gələcəkdə hər gün beşədək Starlink peykinin Yer atmosferinə düşəcəyi gözlənilir, EarthSky nəşri yazır.

Harvard Universitetinin sabiq astrofiziki Conatan Makdauell bildirib ki, hazırda gündə bir-iki Starlink aparatı orbitdən çıxır, lakin bu göstəricinin yaxın vaxtlarda beşə qədər artması qaçılmazdır.

O qeyd edib ki, alçaq Yer orbitindəki peyklərin sayı təkcə SpaceX hesabına artmır. Bir çox aparatların xidmət müddəti cəmi 5–7 ildir.

Hazırda orbitdə təxminən 8 000 Starlink peyki mövcuddur. Amazon Kuiper və Çin peyklərinin buraxılışını da nəzərə aldıqda, yaxın zamanda bu rəqəm 30 000-i keçəcək.

N.Təbrizli