Əfqanıstan və Pakistan nümayəndələri İstanbulda danışıqlar aparır

Əfqanıstan və Pakistan nümayəndələri sərhəd böhranının həlli və 19 oktyabr tarixində Dohada əldə edilən atəşkəsin qorunması üçün şəraitin yaradilması məqsədilə İstanbulda görüş keçirirlər.Bu barədə EFE agentliyi Əfqanıstan hökumətinin nümayəndəsinə istinadla məlumat yayıb.

Görüşdə Əfqanıstan nümayəndə heyətinə daxili işlər nazirinin müavini Hacı Nəcib rəhbərlik edir. Pakistan tərəfi isə nümayəndə heyətinin tərkibi barədə hələ açıqlama verməyib.

19 oktyabr tarixində Pakistan və Əfqanıstan Qətərin Doha şəhərində keçirilən danışıqlarda dərhal atəşkəs elan edilməsinə razılıq əldə ediblər.