Türkiyədə qəzaya uğramış PUA aşkarlanıb - Yenilənib

Bu gün Türkiyənin İzmit şəhərində tapılan PUA-nın Rusiya istehsalı olan pilotsuz kəşfiyyat aparatı olduğu müəyyənləşib.Bu barədə Türkiyənin Daxili İşlər Nazirliyi (DİN) məlumat yayıb.

Bildirilib ki, pilotsuz aparat İzmitin (Kocaeli vilayəti) Çubuklubala məhəlləsi rayonunda tapılıb.

İlkin qiymətləndirməyə görə, tapılan uçuş aparatı kəşfiyyat əməliyyatlarında istifadə olunan Rusiya istehsalı "Orlan-10" pilotsuz aparatıdır.

18:41

Türkiyənin İzmit şəhərində qəzaya uğramış pilotsuz uçuş aparatı (PUA) tapılıb, hüquq-mühafizə orqanları qəzanın təfərrüatlarını araşdırır.Bu barədə Türkiyə mediası xəbər verir.

PUA yerli vətəndaşlar tərəfindən aşkar edilib.

Jandarm bölmələri dərhal hadisə yerinə gəlib və hazırda qəzanın səbəbləri araşdırılır.