Yanvarın 6–7-də planetlərin Günəşlə nadir "paradı" müşahidə olunacaq

2026-cı il yanvarın 6-dan 7-nə keçən gecə planetlərin Günəşlə nadir birləşməsi, yəni Günəş paradı müşahidə olunacaq. “Hidrometeorologiya və Monitorinq Mərkəzi”nin direktoru Levon Əzizyan bildirib ki, bu hadisə növbəti dəfə yalnız 23-cü əsrdə təkrarlanacaq.

Rusiya Elmlər Akademiyasının Kosmik Tədqiqatlar İnstitutu və Günəş-Yer Fizikası İnstitutunun Birgə Günəş Astronomiyası Laboratoriyasının məlumatına görə, həmin anda Günəş, Venera və Mars orbital hərəkətləri nəticəsində demək olar ki, eyni xətt üzərində düzüləcək. Yerdən baxıldıqda Günəş və iki planet demək olar ki, üst-üstə düşəcək. Mütəxəssislər bu birləşməni metaforik olaraq “Beytləhm Ulduzu” ilə müqayisə edirlər.

6 və 7 yanvar tarixlərində planetlərlə Günəş arasındakı bucaq məsafəsi təxminən 1,2 dərəcə olacaq. 8 yanvarda bu məsafə 1 dərəcədən aşağı düşəcək. Eyni səviyyədə yaxınlaşmalar son 500 ildə yalnız 1669, 1682 və 1968-ci illərdə qeydə alınıb.

Hazırkı minillikdə bu fenomen yalnız üç dəfə müşahidə ediləcək: 2267-ci ilin iyununda, 2324-cü ilin dekabrında və 2623-cü ilin dekabrında.

Daha yaxın, lakin 1 dərəcədən böyük konyunktiva son dəfə 2006-cı ilin oktyabrında baş verib.

Mütəxəssislər qeyd edirlər ki, belə bir hadisənin müəyyən bir təqvim günü ilə üst-üstə düşmə ehtimalı təxminən 20 000 ildə bir dəfədir.

Aytac