Obamadan İvanişviliyə MƏKTUB

ABŞ prezidenti Barak Obama Gürcüstanın keçmiş baş naziri Bidzina İvanişviliyə məktub yazıb. 

Qaynar.info gürcü mətbuatına istinadən xəbər verir ki, məktubda Barak Obama İvanişvili ilə əməkdaşlığından məmnun qaldığını bildirib.

"Hörmətli, cənab Bidzina! Sizinlə hakimiyyətdə olduğunuz dövrdə işləmək mənim üçün çox xoş idi. Siz indi bu postu tərk edirsiniz və mən sizi Gürcüstanın demokratiya yolunda irəliləməsində, Gürcüstan-ABŞ münasibətlərinin daha da dərinləşməsindəki rolunuza görə təbrik edirəm. 

Sizin baş nazir kimi nailiyyətiniz, eləcə də uğurlu seçkilər və hakimiyyətin sülh yolu ilə təhvil verilməsi Gürcüstanı daha da gücləndirdi. Gürcüstana Əfqanıstana göstərdiyi köməyə görə, dərin təşəkkürümü bildirirəm. 

Mən yeni baş nazir Qaribaşvili ilə əməkdaşlığa ümidlə baxıram Biz gələcəkdə də Gürcüstanın avroatlantikaya inteqrasiyasına və ölkənizin ərazi bütövlüyünə dəstək verəcəyik. 

Sizə xoşbəxtlik və uğurlar arzulayıram!" deyə Obama məktubunda yazıb. 

Qaynar.info