İran ABŞ-nin hava bazasına zərbə endirib

İran ABŞ-nin Bəndər-Abbas yaxınlığındakı hərbi obyektə endirdiyi zərbəyə cavab olaraq ABŞ-yə məxsus aviabazanı hədəf aldığını bildirib.Bu barədə İran İslam İnqilabı Keşikçiləri Korpusu (SEPAH) məlumat yayıb.

SEPAH ABŞ-nin mümkün növbəti hücumlarına “daha qətiyyətli cavab” veriləcəyini bəyan edib və Vaşinqtonu regionda gərginliyin nəticələrinə görə məsuliyyət daşımaqda ittiham edib.

Bundan əvvəl “Reuters” ABŞ qüvvələrinin İranın Hörmüz boğazı yaxınlığındakı hərbi obyektinə zərbə endirdiyini yazmışdı. Məlumata görə, ABŞ qüvvələri bir neçə İran pilotsuz uçuş aparatını vurub və ələ keçirib. Vaşinqton zərbələrin ABŞ qüvvələri və kommersiya gəmiçiliyi üçün təhlükə yaratdığı bildirilən obyektə qarşı həyata keçirildiyini açıqlayıb.