Qara dənizdə Türkiyə bayraqlı balıqçı gəmisinə hücum edilib, ölən və yaralananlar var

Qara dənizdə, Krımın qərbində Sevastopol sahilləri yaxınlığında Türkiyə bayrağı altında üzən “DURU 67” balıqçı gəmisinə hücum edilib, nəticədə bir balıqçı həlak olub, daha dörd nəfər yaralanıb.

Türkiyə Daxili İşlər Nazirliyinin məlumatına görə, hadisə gəminin Qara dənizdə olduğu vaxt baş verib. Yaralanan şəxslər müxtəlif dərəcəli xəsarətlər alıblar.

Türkiyə rəsmiləri insidentlə bağlı araşdırmaya başlayıblar. Hücumun hansı şəraitdə törədildiyi və məsul tərəfin kim olduğu hələlik açıqlanmayıb.