Brüssel səmasında PUA-lar qeydə alınıb

Brüsselin beynəlxalq hava limanının yerləşdiyi Zaventem ərazisində iki gün ardıcıl olaraq pilotsuz uçuş aparatları (PUA) müşahidə edilib.Bu barədə Belçikanın hava hərəkətinin idarə edilməsi operatoru "Skeyes" məlumat yayıb.

Sentyabrın 12-də PUA müşahidə edilsə də, hava limanının fəaliyyəti pozulmayıb. Dron hava hərəkəti dispetçeri tərəfindən həm vizual, həm də rəqəmsal izləmə sistemləri vasitəsilə aşkarlanıb.

Sentyabrın 11-də isə PUA ilə bağlı məlumat daxil olduqdan sonra hava limanında təyyarələrin enişi 25 dəqiqə müddətinə dayandırılıb, üç hava gəmisi digər hava limanlarına yönləndirilib.