Mərakeşdə ilk dəfə ölkənin baş naziri qadın olub

Mərakeş Kralı VI Məhəmməd 50 yaşlı Fatimə Zəhra əl-Mənsurini hökumət başçısı təyin edib. O, ölkə tarixində bu vəzifəyə gətirilən ilk qadın olub.Bu barədə Kral sarayı məlumat yayıb.

Əl-Mənsuriyə yeni hökuməti formalaşdırmaq tapşırılıb. O, bundan əvvəl Mərakeşin şəhərsalma naziri və Marrakeş şəhərinin meri vəzifələrində çalışıb.

Onun rəhbərlik edəcəyi hökumətin 2030-cu il futbol üzrə dünya çempionatına hazırlıq çərçivəsində milyardlarla dollar həcmində investisiyalara nəzarət edəcəyi gözlənilir. Yeni hökumətin qarşısında inflyasiyanın azaldılması, əməkhaqlarının artırılması və yeni iş yerlərinin yaradılması kimi iqtisadi məsələlər də dayanır.

Sentyabrın 23-də keçirilən parlament seçkilərində Əl-Mənsurinin rəhbərlik etdiyi “Həqiqilik və Modernizm” Partiyası 395 yerlik Nümayəndələr Palatasında 97 mandat qazanaraq birinci olub. Konstitusiyaya əsasən, kral hökumət başçısını parlament seçkilərində ən çox yer qazanan partiyanın nümayəndəsi sırasından təyin edir.