Ermənistanın xarici işlər naziri sabah İrana səfər edəcək

Ermənistanın xarici işlər naziri Ararat Mirzoyan oktyabrın 4-də İranın paytaxtı Tehrana səfər edəcək.Bunu İran Xarici İşlər Nazirliyinin sözçüsü İsmayıl Bəqai açıqlayıb.

Onun sözlərinə görə, səfər İran-Ermənistan arasında ikitərəfli münasibətlərin inkişafı, həmçinin regional sülh və təhlükəsizliyin gücləndirilməsi məqsədilə aparılan məsləhətləşmələr çərçivəsində baş tutacaq.

Mirzoyanın İran rəsmiləri ilə görüşlərində Cənubi Qafqazda regional əməkdaşlıq məsələlərini müzakirə edəcəyi bildirilib.