Ruslar 2018-ci ildən sonra da Putinin prezident olmasını istəyir

Sorğunun nəticələrinə görə, sorğuda iştirak edənlərin 58 faizi ölkə başçısının səlahiyyət müddəti sona yetdikdən sonra da vəzifədə qalmasını istədiklərini bildirdilər. 19 faiz iştirakçı Putini 4 ildən sonra vəzifədə görmək istəmədiklərini bildirib və 22 faiz iştirakçı isə cavab verməyə çətinlik çəkib. Rusiyada baş verənlərə Putinin təsirini qiymətləndirərkən sorğuda iştirak edənlərin 71 faizi onu güclü, o cümlədən 24 faizi onu çox güclü hesab ediblər.

 

Daha öncə Rusiya prezidenti Vladimir Putin bəyan edib ki, o öz namizədliyini 2018-ci ildə irəli sürə bilər. "Əhval-ruhiyyəmin ümumi kontekstindən çıxış edəcəm. İndi bu haqda düşünmək lazımdır? 2014-cü il bitməyib, siz isə 2018-dən danışırsız. Vaxt çoxdur, bu, hələ çox su aparar”, - prezident qeyd edib.