Nazarbayev: Rusiya ilə hesablaşmaq lazımdır

"Dünya bunu anlamalıdır”.

Dünyanın siyasi proseslərində Rusiyanın rolu əvəzedilməzdir və dünya bunu anlamalıdır, Qazaxıstan prezidenti Nursultan Nazarbayev belə hesab edir, Oxu.Az RİA Novosti-yə istinadən xəbər verir.

"Rusiya bütün dünyaya dünyada yeri olmasını, bu yeri tutmalı olduğunu və Rusiya ilə hesablaşmağın lazım olduğunu deyir. Bu, real olaraq normaldır və burada fövqəl heç bir şey yoxdur, dünya bunu anlamalıdır”, - Qazaxıstan prezidenti "Rossiya 24” telekanalına verdiyi müsahibəsində bildirib.

Digər tərəfdən isə qazaxıstanlı lider davam edib ki, Rusiya dünya dövləti kimi nəhəng dövlət adına müvafiq olmalıdır.

"Ölkə neft və qaz ehtiyatlarının zənginliyinə görə nəhəng dövlət olmur, dünya işlərində, mövcud problemlərin həllində, bütün dünyada sülhün bərqərar olmasında iştirakı ilə böyük dövlət olur. Bax, burada Rusiyanın rolu əvəzedilməzdir və dünya bunu anlamalıdır”, - Nazarbayev vurğulayıb.

Moskvaya qarşı Qərb ölkələrinin sanksiyaları ilə bağlı vəziyyətindən danışarkən Qazaxıstan rəhbəri qeyd edib:

"Rusiya bundan da çətin vəziyyətlərdən çıxıb. Rusiya böyük resursları olan nəhəng ölkədir. Bu vəziyyətdən də çıxacaq”, - o, sözünü yekunlaşdırıb.