“WhatsApp” istifadəçilərinə 9 tövsiyə

ANN.Az İctnews-a istinadən xəbər verir ki, "MacDigger” nəşri "iPhone” və "Android” qurğularda "WhatsApp”dan istifadə üzrə 9 ən faydalı tövsiyə və kömək təklif edir.

1. Ehtiyat köçürülməsi və məlumatların bərpası

Mobil messencerin həm "iOS”, həm də "Android” versiyası ehtiyat köçürülməsi, mesaj və başqa vacib məlumatların tarixçəsinin bərpası üçün daxili funksiyaya malikdir.

2. "WhatsApp” üçün "SİM” kart 

"WhatSim”dən istifadə ildə 11,60 dollara başa gələcək. Bu xüsusi "SİM” kartla dünyanın 150 ölkəsində 400 mobil operatora qoşulmaq mümkündür.

3. "WhatsApp” veb kliyenti

"WhatsApp” messenceri rəsmi veb kliyentə malikdir, nəticədə kompüter vasitəsilə dostlarla ünsiyyət saxlamaq olar. Təəssüf ki, indi "WhatsApp” veb kliyenti rəsmən yalnız "Android”, "Windows Phone” və "Blackberry 10” platformalarını dəstəkləyir.

4. "Push” bildirişlər

Ceylbreyk olunmuş "iOS” qurğu sahibləri hansısa kontakt şəbəkəyə daxil olduqda və ya sizə mesaj yazmağa başladıqda "push” bildirişlər göndərən "OnlineNotify”dən istifadə edə bilər.

5. "WhatsApp” messenceri ilə zənglər

"VoIP” səs rabitəsini dəstəkləmək üçün "WhatsApp” komandasına xeyli vaxt lazım olub. Nəhayət, çoxdan gözlənilən bu funksiya artıq əlçatandır. Bu funksiya həm "iPhone”, həm də "Android” smartfonlarda işləyir.

6. İşçi masada "WhatsApp” bildirişləri

"Chrome” brauzeri üçün "WAToolkkit” adlı xüsusi plaqin "WhatsApp” veb kliyentindən bildirişləri birbaşa işçi masada göstərəcək.

7. "WhatsApp” messencerinin "Android” qurğularda bloklanması

Dostlarınızın sizin yazışmanızı oxumasını istəmirsiniz? "Android” üçün "Messenger and Chat Lock” adlı mobil proqram pin-kodun köməyi ilə "WhatsApp”ı bloklayacaq.

8. "Android” qurğularda mesajların səslə oxunması

"Android” qurğularda "Voice for WhatsApp” modifikasiyası əlçatandır ki, mobil proqram gələn mesajları səslə oxuya bilər.

9. "iOS” platformasında qeyri-məhdud sayda fotoşəkil göndərilməsi

"WhatsApp” "iOS” və "Android” qurğuları üçün yeni funksiya (mesajın oxunması haqda hesabat) təqdim etdikdə hamını təəccübləndirib.

İstifadəçilər tezliklə bu funksiyanı söndürmək imkanını tapıb.