Apple yeni bir rekorda imza atdı

Oxu.Az xəbər verir ki, bu göstəricilərdə 2014-cü ilin analoji dövrü ilə müqayisədə gəlirləri 33%, xalis mənfəəti isə 39% çoxdur. 

Qeyd edək ki, şirkət 2014-cü ilin üçüncü rübündə 37,4 milyard dollar gəlir və 7,7 milyard dollar xalis mənfəət açıqlamışdı.

Şirkətin iPhone satışlarından əldə edəcəyi gəlirlə bağlı proqnozlar özünü doğrulmayıb.

Belə ki, Apple-in iPhone satışlarından gəliri 47 milyon 534 min dollar olub. Bu da ötən ilin analoji, yəni III dövrü ilə müqayisədə 35% çoxdur. Şirkət iPhone satışlarının adıçəkilən dövr üçün 48,8 milyon dollar olacağını proqnozlaşdırmışdı. 

Apple 2015-ci ilin birinci rübündə isə 74 milyon 500 min ədəd iPhone satmaqla bütün dövrlərin rekordunu qırmışdı. 

Bundan əlavə, şirkətin iPad satışları 2014-cü ilin üçüncü rübünə nisbətən 17% azalaraq, 10 milyon 931 min ədədə düşüb.  Şirkət 2014-cü ilinin analoji dövründə isə 12 milyon 623 min ədəd iPad satmışdı.

Xatırladaq ki, şirkət gəlirlərinin 64%-ni ABŞ xaricindən reallaşdırılan satışlardan qazanıb. 

Apple proqnozlaşdırır ki, 2015-ci ilin III rübünün sonunda şirkətin gəlirləri 49 - 51 milyard dollar arasında ola bilər. Bazar isə bu proqnozun 51,1 milyard dollar səviyyəsində olacağını bildirmişdi.