Twitter yeni bir rekorda imza atdı

Oxu.Az xəbər verir ki, şirkətin gəlirləri 61% artaraq, 502,4 milyon dollara çatıb. 

Analtiklər isə Twitterin gəlirlərinin analoji dövrdə 481 milyon dollar olacağını proqnoz etmişdilər.

Hesabata görə, şirkət istifadəçi sayına görə, Facebook-u qabaqlaya bilməyib. 

"Adıçəkilən sosial platforma istifadəçilərinin sayı 316 milyon nəfər olub. Dünyada Facebook istifadəçilərinin sayı isə 1,4 milyard səviyyəsindədir”.

Qeyd edək ki, Twitter-in baş direktoru Dik Kostolo istefaya getdikdən sonra, müvəqqəti baş direktor vəzifəsini Cek Dorsi öz öhdəsinə götürmüşdü.