ANN.Az xəbər verir ki, Xədicə İsmayıl bu dəqiqələrdə 4 saylı cəzaçəkmə müəssisəsindən azadlığa buraxılıb. Onu jurnalistlər, ictimai fəallar qarşılayıb.
O, evinə yola düşüb
***
X.İsmayılova 2014-cü il dekabrın 5-dən həbsdədir.
Bakı Ağır Cinayətlər Məhkəməsi ötən il sentyabrın 1-də Xədicə İsmayılovaya 7 il 6 ay azadlıqdan məhrumetmə cəzası kəsib. Bundan başqa o, 3 il müddətinə vəzifə tutmaq hüququndan məhrum edilib.
X.İsmayıl Cinayət Məcəlləsinin 179.3.2-ci (mənimsəmə və israf etmə - külli miqdarda törədildikdə), 192.2.2 (qanunsuz sahibkarlıq), 213.1 (vergi ödəməkdən yayınma) və 308.2-ci (vəzifə səlahiyyətlərindən sui-istifadə) maddələri ilə təqsirli bilinərək 7 il yarım azadlıqdan məhrum edilib.
Xədicə İsmayıl ittihamları rədd edir, həbsinin jurnalist fəaliyyəti ilə bağlı olduğunu deyir.
«Amnesty International» Xədicə İsmayılı «vicdan məhbusu» elan edib.
Bizi sosial şəbəkələrdə izləyin !