Sakinlər bildirir ki, zibil maşını gəlmədiyi üçün məişət tullantıları yığılıb qalır, sonra da sahibsiz itlər, külək onları ətrafa səpələyir. Onların sözlərinə görə, əraziyə zibil qabları yerləşdirilmir, başqa ərazilərdən gəlib bura tullantı boşaldanlar isə vəzyyəti bir az da çətinləşdirir.
Məsələ ilə bağlı Binəqədi Rayon İcra Hakimiyyətinin (RİH) mətbuat xidmətindən anews.az-a açıqlamasında bildirildi ki, 2 aya yaxındır texniki problem səbəbindən sözügedən ünvana texnika göndərilməyib.
Binəqədi Rayon Mənzil - Kommunal Təsərrüfatı Birliyinin baş mühəndisi Vəli Əliyevin sözlərinə görə, Gülüstan qəsəbəsində yolun dar olması səbəbindən zibil yığan maşınlar əraziyə tez-tez daxil ola bilmir.
"Bütün yolları dar olan ərazilər kimi Gülüstan qəsəbəsində də zibil daşıma problemi yaşanır. Həmin ərazidə yaşayan sakinlərlə müqavilə bağlanır. Gülüstan 15-də yaşayanlarla müqavilələr bağlanmağa başlanılıb. Həftənin müəyyən edilmiş günlərində sakinlərə xəbər verilir, onlar öz zibillərini qapının ağzına çıxarır, maşınlar zibili toplayır. Onu da bildirim ki, həmin küçənin girişinə zibil konteyneri qoyulmuşdu, lakin sakinlər narazılıq etdiyi üçün zibil qabı götürüldü. Dünən yenidən əraziyə maşın göndərilib siqnal yolu ilə təmizlənib", - deyə baş mühəndis vurğulayıb.
Ləman Qasımova
Xəlil Xəlili
www.anews.az
Bizi sosial şəbəkələrdə izləyin !
