İŞİD lideri Əbu Bəkr əl-Bağdadi və terror qruplaşmasının komandirlərindən bir neçəsi İraq-Suriya sərhədində koalisiya qüvvələri tərəfindən endirilən avizərbələr nəticəsində yaralanıb.
Oxu.Az RİA Novosti-yə istinadən xəbər verir ki, bu barədə ərəb KİV məlumat yayıb.
Eyni zamanda Reuters yazdığına görə, koalisiya bu məlumatı təsdiqləyə bilmir.
ABŞ-ın rəhbərlik etdiyi qüvvələrin nümayəndəsi polkovnik Kris Qarver (Chris Garver) qeyd edib ki, İŞİD liderinin yaralandığından xəbərdardır, amma hazırda bunu şərh edə bilməz.
Reuters dəqiqləşdirir ki, hava hücumu barədə məlumatı İraqın "Al Sumaria” telekanalı Naynava (Suriya ilə sərhəddə yerləşir) əyalətindən aldığı informasiyaya istinadən yayıb.
Məlumata görə, aviazərbə iyun ayının 9-da İŞİD-in baş qərərgahına endirilib.
www.ann.az
Bizi sosial şəbəkələrdə izləyin !
