Seçkilər Dünya Gənclər Assambleyasının Albaniyanın paytaxtı Tirana şəhərində təşkil olunan Baş Assambleyasında baş tutub.
Tədbir Dünya Gənclər Assableyasının illik hesabatının qəbul olunması, yeni rəhbərliyi, idarə heyəti və təşkilatın yeni üzvlərinin seçkilərinin həyata keçirilməsi məqsədi ilə həyata keçirilib.
Tədbirin zamanı Dünya Gənclər Assableyasının 2014-cü il üzrə fəaliyyət və maliyyə hesabatı qəbul olunub.
9 dekabr 2014-cü il tarixində təşkilata yeni üzv olmaq üçün müraciət edən gənclər platformalarının namizədliyinə baxılıb və səsvermə əsasında təşkilatın yeni üzvləri seçilib. Tədbirdə ARGTMŞ təşkilatın tam hüquqlu üzvü olub.
10 dekabr 2014-cü il tarixində təşkilatın rəhbərliyi və idarə heyətinin seçkiləri həyata keçirilib. Səsvermə əsasında İdris Haron təşkilatın prezidenti vəzifəsinə seçilib. Daha sonra təşkilatın vtse-prezidentləri və idarə heyətinin seçkiləri baş tutub. Seçkilər zamanı səsvermə əsasında ARGTMŞ-ni təmsil edən Leyla İsrafilova təşkilatın idarə heyətinin üzvü vəzifəsinə seçilib. İdarə heyətinin üzvü kimi ARGTMŞ Dünya Gənclər Assableyası və Avropanın gənclər platformaları arasında əlaqələrin qurulması və inkişaf etdirilməsinə cavabdeh olacaq.
ARGTMŞ-nın sədri Şahin Seyidzadə "Dünya Gənclər Assambleyası”-nın idarə heyətinin üzvü olmağın gələcək əməkdaşlıqlar üçün yeni imkanlar yaratdığını vurğulayıb:
"Dünya Gənclər Assambleyası 120 gənclər platformasını birləşdirən dünyanın ən böyük gənclər platformalarından biridir. ARGTMŞ-nın təşkilatın tam hüquqlu üzvü və idarə heyətinin üzvü seçilməsi Afrika, Avstraliya və Amerika qitələrinin gənclər platformaları ilə əməkdaşlıq əlaqələrinin təkmilləşdirilməsi və yeni əməkdaşlıq əlaqələrinin qurulmasına və Azərbaycanın dünyanın növbəti böyük gənclər platformasının idarəetmə prossesində iştirakına imkan yaradacaq.”
Məlumat üçün qeyd edək ki, Dünya Gənclər Assambleyası (The World Assembly of Youth) 1949-cu ildən fəaliyyət göstərir və BMT-nin İqtisadi və Sosial Şurasının məşvərətçi statuslu üzvüdür. Təşkilat Avropa, Asiya, Avstraliya, Afrika və Amerika qitələrindən 120 gənclər platformasını birləşdirir. Dünya Gənclər Assambleyası gənclərin məşğulluğu, insan hüquqları, ətraf mühitin qorunması, sağlam həyat tərzi, cəmiyyətin rifahının yüksəldilməsi və gənc liderlərin yetişdirilməsi proqramlarını əhatə edir.
ANN.Az
Bizi sosial şəbəkələrdə izləyin !
