Azərbaycan 29-cu pillədən uzaqlaşır

İdman

10:14 | 11.07.2014

Azərbaycan 29-cu pillədən uzaqlaşır

Avrokuboklarda I təsnifat mərhələsinin oyunları başa çatıb. Apasport.az saytının məlumatına görə, Çempionlar Liqası və Avropa Liqasının ilkin təsnifat mərhələlərinin baş tutan görüşlərindən sonra UEFA-nın əmsallar cədvəli açıqlanıb. Keçirilən qarşılaşmaların nəticələri siyahıda müəyyən dəyişikliklərə səbəb olub. İki təmsilçisi meydana çıxan Azərbaycan isə mövqeyini dəyişməyib. Avropa Liqasındakı təmsilçilərimiz ölkəmizin hesabına daha 0,250 xal qazandırıb. Buna da “İnter” nail olub. Bakılılar Moldova “Tiraspol”unu 3:1 hesabı ilə məğlub ediblər. Bu qələbə ilə gələn 0,250 xal cari mövsümün ümumi qazancını 0,500-ə çatdırıb. Bu yarım xalı da hər iki oyunda qalib gələn “bankirlər” əldə edib. Öz meydanında Bosniya və Herseqovinanın “Şiroki Briyeq” klubuna 0:2 hesabı ilə uduzan “Qəbələ” isə səfərdə də uduzub – 0:3. Bununla, əyalət təmsilçisi mövsümü xalsız başa vurub. Son 5 mövsümün yekunlarına əsasən hesablanan ümumi reytinq xalımız isə 9,375-ə yüksəlib. Amma bu artım siyahıda irəliləməyə kifayət etməyib. 30-cu olan Azərbaycan özündən öndə qərarlaşan Macarıstanı daha da uzağa buraxıb. Belə ki, iki ölkə arasında fərq 0,375-ə qalxıb.

yer	ölkə	əmsal	klub
1	İspaniya	81.499	7/ 7
2	İngiltərə	68.534	7/ 7
3	Almaniya	65.272	7/ 7
4	Portuqaliya	53.632	6/ 6
5	İtaliya	52.843	6/ 6
6	Fransa	42.833	6/ 6
7	Rusiya	41.498	6/ 6
8	Ukrayna	35.832	6/ 6
9	Hollandiya	35.562	6/ 6
10	Belçika	28.400	5/ 5
11	İsveçrə	28.275	5/ 5
12	Türkiyə	27.400	5/ 5
13	Yunanıstan	26.500	5/ 5
14	Çexiya	25.250	4/ 4
15	Avstriya	21.550	4/ 4
16	Rumıniya	21.174	4/ 4
17	İsrail	19.625	4/ 4
18	Kipr	19.000	5/ 5
19	Xorvatiya	17.000	4/ 4
20	Danimarka	16.900	5/ 5
21	Polşa	16.750	4/ 4
22	Belarus	15.250	4/ 4
23	Şotlandiya	14.400	4/ 4
24	İsveç	14.325	5/ 5
25	Norvüç	13.275	5/ 5
26	Bolqarıstan	13.125	4/ 4
27	Serbiya	11.500	4/ 4
28	Sloveniya	10.375	3/ 4
29	Macarıstan	9.750	4/ 4
30	AZƏRBAYCAN	9.375	3/ 4
31	Slovakiya	9.000	4/ 4
32	Gürcüstan	8.875	3/ 4
33	Moldova	8.625	3/ 4
34	Qazaxıstan	8.375	4/ 4
35	İslandiya	6.625	3/ 4
36	Bosniya və Hersoqovina	6.625	4/ 4
37	Finlandiya	6.500	3/ 5
38	Lixtenşteyn	5.500	1/ 1
39	Makedoniya	5.500	2/ 4
40	Monteneqro	5.500	2/ 4
41	İrlandiya	5.125	4/ 4
42	Albaniya	5.125	3/ 4
43	Lüksemburq	5.000	1/ 4
44	Şimali İrlandiya	4.375	3/ 4
45	Litva	4.375	2/ 4
46	Malta	4.208	1/ 4
47	Latviya	4.125	1/ 4
48	Estoniya	3.125	3/ 4
49	Farer adaları	3.125	2/ 4
50	Uels	2.875	1/ 4
51	Ermənistan	2.750	4
52	Andorra	0.833	1/ 3
53	San-Marino	0.499	3
54	Cəbəllütariq	0.250	2