Son 3 ildə Ermənistan Ordusuna aid 31 PUA məhv edilib
"AzeriDefence”nin Azərbaycan Müdafiə Nazirliyinin məlumatları əsasında apardığı dəqiqləşdirmələrə görə, zərərsizləşdirilən PUA-lardan ikisi X-55 tipli taktik PUA, ikisi isə multikopter sinfinə aid PUA olub.
X.-55 tipli PUA-lardan biri martın 3-də cəbhənin Ağdam istiqamətində, digəri isə iyunun 19-da cəbhənin Füzuli-Xocavənd istiqamətində məhv edilib.Multikopter tipli PUA-lardan biri fevralın 21-də cəbhənin Füzuli istiqamətində xüsusi vasitələrin tətbiqi nəticəsində ələ keçirilib. Digər PUA isə aprelin 17-də cəbhənin Tərtər istiqamətində aşkarlanaraq məhv edilib.
X-55 taktik PUA Rusiyanın "AFM Servers” şirkəti tərəfindən istehsal edilmiş "Ptero-5E” modelidir. Adıçəkilən PUA Ermənistan Ordusunun silahlanmasına 2013-cü ildə daxil edilib.
www.anews.az
Bizi sosial şəbəkələrdə izləyin !